رح للقمــــــر..!!

صار الزمان أشكال و حروف و أنقاط
صوره و أسم والناس تنفي و تنقا

كنها على ظهر الشيم تضرب سياط
يا سين يالشيمه و يا مل فرقا

كل شي يهون و ينسى كون الاحباط
الاحباط لو يروح ذكراه تبقا

لا صرت صح ووقتك اغلاط بغلاط
ليه اتعذبه و تتعب و تشقا

رح القمر و أفرش على سطحه بساط
و خل الحثال ان كان به خير يرقا

و أختار من تعشق و تغليه بفراط
اللي علا شانه ثرا الارض يسقا

راعي الجروح اللي بتموز و أشباط
اللي لكل الزين مجمع و ملقا