الصراحه لقيت كتاب لخوي مشعل الكبير
يوم لمسته زعل علي وقالي والله لو تلمسه مره ثانيه لا اوريك الشغل
يوم من الايام اخوي طلع وقلت بنفسي الا ابي ادري وش ذا الكتاب
يوم فتحته وقريته لقيته كله شعر وكله الاااااام وقهر وعتب وخيانه
شعر في شعر
وبصراحه قريت شعر مره اعجبني ويقول فيها....!!؟؟
يا كثر الاصحاب يوم اللعب والدشره........يوم الملاهي تدور من يلهيها
من اول شقتي بالناس محتشره...... يوم العزوبية الي كنت مغليها
واليوم لاعاد خوه ولا عشـــره....... الله ولا رفقة هذي تواليها
ناس مع المصلحة عشرة على عشرة... وان حدك الوقت حدة لك جنابيها
اللي حياته مع البلوت والنشره.... واللي يحب الدشوش ولاهي فيها
واللي عل الخط دايم فاغر الكشره......سماعته طول ليله ما يوطيها
واللي مزاجة مع القصات والبشره...... ماله هدف والنصايح ما يدانيها
واللي مع الناس لايفقه ولايشره..... شقرا مع الخيل ولاهجت تباريها
ذى عينة في شباب اليوم منتشره.... عسى الذى جابها من الارض يمحيها
اهل المصالح معرفتهم زي القشره ......لانظف الراس بالصابون ينهيها
هذا كلام علينا واجب نشره .... ما تحرق الجمرة الا رجل واطيـــــها
اتمنى وصل المقصود..